سیدنا عبداللہ بن عمرو رضی اللہ عنہما سیدنا ابوبکر صدیق رضی اللہ عنہ کے بارے میں یہ بات نقل کرتے ہیں کہ انہوں نے نبی اکرم صلی اللہ علیہ وسلم کی خدمت میں عرض کی: ”آپ مجھے کسی ایسی دعا کی تعلیم دیجیے جو میں نماز کے دوران مانگ لیا کروں۔“ نبی اکرم صلی اللہ علیہ وسلم نے فرمایا: ”تم یہ پڑھا کرو: «اَللّٰهُمَّ إِنِّي ظَلَمْتُ نَفْسِي ظُلْمًا كَثِيرًا، وَلَا يَغْفِرُ الذُّنُوبَ إِلَّا أَنْتَ، فَاغْفِرْ لِي مَغْفِرَةً مِنْ عِنْدِكَ، وَارْحَمْنِي، إِنَّكَ أَنْتَ الْغَفُورُ الرَّحِيمُ» ”اے اللہ! میں نے اپنے اوپر بہت زیادہ ظلم کیا ہے اور گناہوں کی مغفرت صرف تو ہی کر سکتا ہے، تو اپنی بارگاہ سے میری مغفرت عطا کر دے اور مجھ پر رحم کر، بے شک تو مغفرت کرنے والا اور رحم کرنے والا ہے۔““ [صحیح ابن حبان/كتاب الصلاة/حدیث: 1976]