حطان بن عبدالله رقاشی بیان کرتے ہیں: اشعری نے اپنے ساتھیوں کو نماز پڑھائی جب وہ نماز میں بیٹھے تو حاضرین میں سے ایک صاحب نے کہا: نماز کو نیکی اور زکوۃ کے ہمراہ قرار دیا گیا ہے، جب اشعری نے اپنی نماز مکمل کی تو وہ ان کی طرف متوجہ ہوئے اور دریافت کیا: فلاں بات تم میں سے کس نے کہی ہے، تو لوگ خاموش رہے۔ اشعری نے کہا: اے حطان شاید تم نے یہ بات کہی ہے۔ حطان نے کہا: اللہ کی قسم! میں نے یہ بات نہیں کہی لیکن مجھے اندیشہ تھا، آپ اس حوالے سے مجھے مجرم قرار دیں گے۔ حاضرین میں سے ایک صاحب بولے: میں نے یہ بات کہی ہے۔ میں نے اس کے ذریعے صرف بھلائی کا ارادہ کیا تھا تو اشعری نے کہا: کیا تم لوگ یہ بات نہیں جانتے؟ تمہیں اپنی نماز کے درمیان کیا پڑھنا چاہئے۔ بے شک اللہ کے رسول نے ہمیں خطبہ دیتے ہوئے سنت کی تعلیم دی اور آپ نے نماز کا طریقہ ہمارے سامنے بیان کیا۔ یان کیا۔ آپ نے ارشاد فرمایا: جب نماز قائم کی جائے، تو تم اپنی صفوں کو درست کرو اور تم میں سے کوئی ایک شخص تمہاری امامت کرے جب وہ تکبیر کہے، تو تم بھی تکبیر کہو جب وہ والاالضالین کہے، تو تم آمین کہواللہ تعالیٰ تمہاری دعا کو قبول کرے گا پھر جب وہ تکبیر کہے اور رکوع میں جائے، تو تم بھی تکبیر کہتے ہوئے رکوع میں جاؤ۔ امام کو تم سے پہلے رکوع میں جانا چاہئے اور تم سے پہلے (رکوع سے سر کو) اٹھانا چاہئے۔ نبی اکرم صلی اللہ علیہ وسلم نے ارشاد فرمایا: یہ یوں ہو جائے گا، جب وہ «سمع اللہ لمن حمدہ» پڑھے تو تم لوگ «اللهم ربنا ولك الحمد» پڑھو کیونکہاللہ تعالیٰ نے نبی کی زبانی یہ بات ارشاد فرمائی ہے، پھر جو شخص اس کی حمد بیان کرتا ہےاللہ تعالیٰ اس کو سن لیتا ہے، پھر جب امام تکبیر کہتے ہوئے سجدے میں جائے، تو تم بھی تکبیر کہتے ہوئے سجدے میں جاؤ امام کو تم سے پہلے سجدے میں جانا چاہئے اور تم سے پہلے اٹھنا چاہیئے۔ نبی اکرم صلی اللہ علیہ وسلم نے فرمایا: یہ یوں ہو جائے گا، پھر جب قعدہ آئے، تو تم یہ پڑھو۔ ”تمام زبانی اور جسمانی عبادتیںاللہ تعالیٰ کے لیے مخصوص ہیں۔ اے نبی آپ پر سلام ہواللہ تعالیٰ کی رحمتیں اور اس کی برکتیں نازل ہوں، ہم پر اوراللہ تعالیٰ کے تمام نیک بندوں پر سلام ہو میں اس بات کی گواہی دیتا ہوں،اللہ تعالیٰ کے علاوہ اور کوئی معبود نہیں ہے اور بے شک سیدنا محمد اس کے بندے اور اس کے رسول ہیں۔“ [صحیح ابن حبان/كتاب الصلاة/حدیث: 2167]