سیدنا ابوہریرہ رضی اللہ عنہ بیان کرتے ہیں کہ نبی اکرم صلی اللہ علیہ وسلم تشریف لائے تو لوگ رمضان کے مہینے میں مسجد کے ایک گوشے میں نماز ادا کر رہے تھے۔ نبی اکرم صلی اللہ علیہ وسلم نے دریافت فرمایا: ”یہ کون لوگ ہیں؟“ عرض کی گئی: یہ کچھ لوگ ہیں جنہیں قرآن نہیں آتا، سیدنا ابی بن کعب رضی اللہ عنہ انہیں نماز پڑھا رہے ہیں اور وہ ان کی نماز کی پیروی کر رہے ہیں۔ پھر نبی اکرم صلی اللہ علیہ وسلم نے ارشاد فرمایا: ”انہوں نے ٹھیک کیا ہے“ (راوی کو شک ہے شاید یہ الفاظ ہیں) ”انہوں نے جو کیا ہے وہ عمدہ ہے۔“ [صحیح ابن حبان/كتاب الصلاة/حدیث: 2541]