علی بن ربیعہ اسدی بیان کرتے ہیں: سیدنا علی رضی اللہ عنہ سواری پر سوار ہوں گئے تو آپ نے بسم اللہ پڑھی تو جب آپ اس پر سوار ہو گئے، تو آپ نے یہ پڑھا: ”ہر طرح کی حمداللہ تعالیٰ کے لیے مخصوص ہے، جس نے ہمیں عزت عطا کی ہمیں خشکی اور سمندری راستوں پر چلنے کا موقع دیا۔ ہمیں پاکیزہ رزق عطا کیا، اور ہمیں اپنی مخلوق میں سے بہت سے لوگوں پر فضیلت دی۔ پاک ہے وہ ذات جس نے ہمارے لیے (اس سواری کو) مسخر کیا ورنہ ہم تو اسے ق ابومیں نہیں کر سکتے تھے۔ بے شک ہم اپنے پروردگار کی طرف لوٹا دیے جائیں گے۔“ پھر انہوں نے تین مرتبہ تکبیر کہی پھر یہ کہا: ”اے اللہ! تو میری مغفرت کر دے بے شک تیرے علاوہ کوئی اور گناہوں کی مغفرت نہیں کر سکتا۔“ پھر سیدنا علی رضی اللہ عنہ نے بیان کیا ایک مرتبہ نبی اکرم صلی اللہ علیہ وسلم نے بھی ایسا کیا تھا میں اس وقت آپ کے پیچھے سوار تھا۔ [صحیح ابن حبان/كتاب الصلاة/حدیث: 2697]