سیدنا ابومسعود رضی اللہ عنہ بیان کرتے ہیں: ہم لوگ اپنی پشت پر وزن لادا کرتے تھے (یعنی مزدوری کرتے تھے) اور پھر ہم میں سے کوئی شخص کوئی چیز لاتا تھا اسے صدقہ کر دیتا تھا ایک شخص نصف صاع لے آتا تھا ایک شخص تھوڑی سی زیادہ چیز لے آتا تھا، تو منافقین یہ کہتے تھےاللہ تعالیٰ اس شخص کے صدقے سے بے نیاز ہے اور وہ یہ کہتے تھے یہ دکھاوے کے طور پر ہے، تواللہ تعالیٰ نے اس بارے میں یہ آیت نازل کی: ”وہ لوگ جو اہل ایمان سے تعلق رکھنے والے افراد پر ان کے کیے گئے صدقے کے حوالے سے نکتہ چینی کرتے ہیں، (وہ اہل ایمان جنہیں صدقہ کرنے کے لیے) صرف اپنی محنت کی کمائی ملتی ہے۔“ [صحیح ابن حبان/كتاب الزكاة/حدیث: 3338]