سیدنا ابومسعود بدری رضی اللہ عنہ بیان کرتے ہیں: ہم لوگ وزن اٹھایا کرتے تھے، پھر کوئی شخص کوئی چیز صدقہ کرنے کے لیے لاتا تھا، تو یہ کہا جاتا کہ اس نے دکھاوے کے طور پر ایسا کیا ہے اور کوئی شخص نصف صاع لے آتا، تو یہ کہا جاتا کہ اللہ تعالیٰ اس سے بے نیاز ہے، تو اس بارے میں یہ آیت نازل ہوئی: ﴿الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ﴾ [سورة التوبة: 79] ”وہ لوگ جو اہل ایمان کے کیے گئے صدقے کے حوالے سے ان پر نکتہ چینی کرتے ہیں۔“ [صحیح ابن حبان/كتاب الزكاة/حدیث: 3376]