سیدنا سعد بن مالک رضی اللہ عنہ بیان کرتے ہیں: میں نے اپنے دونوں کانوں سے یہ بات سنی ہے اور میرے دل نے نبی اکرم صلی اللہ علیہ وسلم کی زبانی سن کر اسے محفوظ رکھا ہے، آپ صلی اللہ علیہ وسلم نے ارشاد فرمایا: ”جو شخص اسلام میں کسی باپ (کی اولاد ہونے) کا دعویٰ کرے اور وہ شخص یہ بات جانتا ہو کہ یہ اس کا باپ نہیں ہے، تو ایسے شخص پر جنت حرام ہو گئی۔“ راوی کہتے ہیں: میں نے اس بات کا تذکرہ سیدنا ابوبکرہ رضی اللہ عنہ سے کیا، تو انہوں نے کہا: میں نے بھی اپنے دونوں کانوں سے اس بات کو سنا تھا، اور میرے دل نے بھی اسے نبی اکرم صلی اللہ علیہ وسلم کی زبانی سن کر محفوظ رکھا ہے۔ [صحیح ابن حبان/كتاب البر والإحسان/حدیث: 416]