سیدنا ابوذر غفاری رضی اللہ عنہ بیان کرتے ہیں: میرے خلیل صلی اللہ علیہ وسلم نے مجھے بھلائی کی کچھ باتوں کی تلقین فرمائی تھی۔ آپ صلی اللہ علیہ وسلم نے مجھے یہ تلقین فرمائی تھی کہ ”میں اپنے سے اوپر والے شخص کی طرف نہ دیکھوں بلکہ اپنے سے نیچے والے شخص کی طرف دیکھوں۔“ آپ صلی اللہ علیہ وسلم نے مجھے ”مسکینوں کے ساتھ محبت رکھنے اور ان کے قریب رہنے“ کی تلقین فرمائی تھی اور آپ صلی اللہ علیہ وسلم نے مجھے یہ تلقین فرمائی تھی کہ ”میں صلہ رحمی کروں اگرچہ وہ مجھ سے منہ موڑے“ اور آپ صلی اللہ علیہ وسلم نے مجھے یہ تلقین فرمائی تھی کہ ”میں اللہ تعالیٰ کے بارے میں کسی ملامت کرنے والے کی ملامت سے خوف زدہ نہ ہوں“ اور آپ صلی اللہ علیہ وسلم نے مجھے یہ تلقین فرمائی تھی کہ ”میں حق بات کہوں اگرچہ وہ کڑوی ہو“ اور آپ صلی اللہ علیہ وسلم نے مجھے یہ تلقین فرمائی تھی کہ میں بکثرت «لَا حَوْلَ وَلَا قُوَّةَ إِلَّا بِاللّٰهِ» ”اللہ کے سوا نہ کوئی طاقت ہے نہ کوئی قوت“ پڑھتا رہوں، کیونکہ ”یہ جنت کے خزانوں میں سے ایک خزانہ ہے۔“ [صحیح ابن حبان/كتاب البر والإحسان/حدیث: 449]