ابومثنیٰ جہنی بیان کرتے ہیں: میں مروان بن حکم کے پاس موجود تھا، سیدنا ابوسعید خدری رضی اللہ عنہ اس کے پاس تشریف لائے، مروان نے ان سے دریافت کیا: کیا آپ نے نبی اکرم صلی اللہ علیہ وسلم کو برتن میں پھونک مارنے سے منع کرتے ہوئے سنا ہے؟ تو سیدنا ابوسعید خدری رضی اللہ عنہ نے جواب دیا: جی ہاں، ایک صاحب نے آپ کی خدمت میں عرض کی: یا رسول اللہ صلی اللہ علیہ وسلم ! میں ایک ہی سانس کے ذریعے سیراب نہیں ہوتا، تو نبی اکرم صلی اللہ علیہ وسلم نے ارشاد فرمایا: ”تم پیالے کو اپنے سے دور کرو پھر سانس لو۔“ اس نے عرض کی: میں اس میں کوئی گندگی پاتا ہوں (تو میں کیا کروں)؟ نبی اکرم صلی اللہ علیہ وسلم نے فرمایا: ”تم اسے گرا دو۔“ [صحیح ابن حبان/كتاب الأشربة/حدیث: 5327]