سیدنا سہل بن ساعدی رضی اللہ عنہ بیان کرتے ہیں کہ نبی اکرم صلی اللہ علیہ وسلم کی خدمت میں مشروب پیش کیا گیا، آپ کے دائیں طرف ایک لڑکا بیٹھا ہوا تھا اور بائیں طرف بڑی عمر کے افراد تھے۔ آپ صلی اللہ علیہ وسلم نے لڑکے سے کہا: ”کیا تم مجھے اس بات کی اجازت دو گے کہ یہ میں پہلے ان لوگوں کو دے دوں؟“ اس نے عرض کی: جی نہیں! اللہ کی قسم یا رسول اللہ صلی اللہ علیہ وسلم ! آپ کی طرف سے آنے والے اپنے حصے میں میں کسی کے لیے ایثار نہیں کروں گا۔ راوی کہتے ہیں: تو نبی اکرم صلی اللہ علیہ وسلم نے وہ برتن اس کے ہاتھ میں تھما دیا۔ [صحیح ابن حبان/كتاب الأشربة/حدیث: 5335]