سیدنا ابوبکرہ رضی اللہ عنہ سے روایت ہے کہ نبی اکرم صلی اللہ علیہ وسلم نے ہمیں ” «الدُّبَّاءُ» ”دباء“، «الْحَنْتَمُ» ”حنتم“، «النَّقِيرُ» ”نقیر“ اور «الْمُزَفَّتُ» ”مزفت“ سے منع فرمایا ہے“۔ (راوی بیان کرتے ہیں) جہاں تک دباء کا تعلق ہے تو انگور کی بیلوں کو توڑ کر ہم اسے دباء (نامی برتن میں) رکھ دیتے، پھر اسے دفن کر دیتے یہاں تک کہ وہ مر جاتی ہے۔ جہاں تک حنتم کا تعلق ہے تو یہ ایک گھڑا ہے جس میں ہم شام سے شراب لاتے تھے۔ جہاں تک نقیر کا تعلق ہے تو اہل مدینہ یہ کرتے تھے کہ کھجور کی جڑ لے کر اسے کھوکھلا کرتے تھے، اس میں تازہ اور خشک کھجوریں ڈالتے تھے، اسے زمین میں دفن کر دیتے تھے یہاں تک کہ وہ مر جاتی تھی۔ جہاں تک مزفت کا تعلق ہے تو اس سے مراد وہ برتن ہے جس میں زفت ہوتا ہے۔ [صحیح ابن حبان/كتاب الأشربة/حدیث: 5407]