سیدنا عبداللہ بن عباس رضی اللہ عنہما نبی اکرم صلی اللہ علیہ وسلم کا یہ فرمان نقل کرتے ہیں: ”کیا تمہیں سب سے بہتر شخص کے بارے میں بتاؤں؟ سب سے بہتر شخص وہ ہے، جو اللہ کی راہ میں اپنے گھوڑے کی لگام پکڑ کر (جہاد کے لئے جاتا ہے)۔ میں تمہیں اس کے بعد والے شخص کے بارے میں بتاتا ہوں، یہ وہ شخص ہے، جو الگ تھلگ اپنی بکریوں میں رہتا ہے اور ان کے بارے میں اللہ تعالیٰ کے حق (یعنی زکاۃ) کو ادا کرتا ہے اور میں تمہیں سب سے برے شخص کے بارے میں بتاتا ہوں، یہ وہ شخص ہے، جس سے اللہ تعالیٰ کے نام پر مانگا جائے اور وہ نہیں دیتا۔“ [صحیح ابن حبان/كتاب البر والإحسان/حدیث: 605]