سیده ام قیس بنت محصن رضی اللہ عنہا جو ہجرت کرنے والی ابتدائی خواتین میں شامل ہیں، جنہیں نبی اکرم صلی اللہ علیہ وسلم کے دست اقدس پر بیعت کرنے کا شرف حاصل ہے یہ سیدنا عکاشہ بن محصن رضی اللہ عنہ کی بہن ہیں وہ بیان کرتی ہیں: وہ اپنے ایسے بیٹے کو لے کر نبی اکرم صلی اللہ علیہ وسلم کی خدمت میں حاضر ہوئیں جو کچھ کھاتا نہیں تھا اس خاتون نے اس بچے کے گلے کی تکلیف کی وجہ سے اس کا گلا ملا ہوا تھا، تو نبی اکرم صلی اللہ علیہ وسلم نے فرمایا: تم لوگ اس طرح گلا مل کر اپنے بچوں کو تکلیف کیوں پہنچاتی ہو تم عود ہندی استعمال کرو (راوی کہتے ہیں: اس سے مراد کست ہے) کیونکہ اس میں سات قسم کی شفاء پائی جاتی ہے (یعنی سات بیماریوں سے شفاء پائی جاتی ہے) جن میں سے ایک ذات الجنب (نمونیا) ہے۔
(امام ابن حبان رحمہ اللہ فرماتے ہیں:) کست سے مراد قسط ہے یہ بات شیخ نے بیان کی ہے۔ [صحیح ابن حبان/كتاب الطب/حدیث: 6070]