سیدنا ابوسعید خدری رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: (ارشاد باری تعالیٰ ہے) ”ایک ایسا دن جس کی مقدار پچاس ہزار سال ہو گی۔“ عرض کی گئی یہ دن کتنا طویل ہو گا۔ نبی اکرم صلی اللہ علیہ وسلم نے فرمایا: اس ذات کی قسم جس کے دست قدرت میں میری جان ہے۔ مومن کے لیے یہ آسان (یعنی مختصر) ہو گا، یہاں تک کہ یہ اس کے لیے اس سے زیادہ آسان (یعنی مختصر) ہو گا۔ جتنی دیر میں وہ دنیا میں فرض نماز ادا کرتا تھا۔ [صحیح ابن حبان/كتاب إخباره ﷺ عن مناقب الصحابة رجالهم ونسائهم بذكر أسمائهم رضوان الله عليهم أجمعين/حدیث: 7334]