سیدنا انس رضی اللہ عنہ فرماتے ہیں: رسول اللہ صلی اللہ علیہ وسلم مدینہ تشریف لائے تو ان کے دو دن مقرر تھے جن میں وہ کھیلا کودا کرتے تھے۔ آپ نے پوچھا: یہ کون سے دن ہیں؟ انہوں نے جواب دیا: زمانہ جاہلیت میں ہم ان دنوں میں کھیلا کرتے تھے رسول اللہ صلی اللہ علیہ وسلم نے فرمایا: اللہ تعالیٰ نے تمہارے لیے ان کے بدلے میں ان سے بھی اچھے دو دن دیے ہیں اور وہ عیدالفطر اور عید الاضحی کا دن ہے۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن اسے صحیحین میں نقل نہیں کیا گیا۔ [المستدرك على الصحيحين/كتاب صلاة العيدين/حدیث: 1103]