ہمیں ابوبکر بن قریش نے خبر دی، انہیں حسن بن سفیان نے، انہیں اسحاق بن ابراہیم حنظلی نے، انہیں ابراہیم بن حکم بن ابان نے اپنے والد سے، انہوں نے عکرمہ سے، انہوں نے ابن عباس سے اور انہوں نے نبی کریم صلی اللہ علیہ وسلم سے، موسیٰ بن عبدالعزیز کی حکم سے مروی حدیث کی طرح روایت کیا۔ اور سیدنا عبداللہ بن عمر بن خطاب رضی اللہ عنہما سے بھی یہ روایت صحیح ثابت ہے کہ رسول اللہ صلی اللہ علیہ وسلم نے اپنے چچازاد بھائی جعفر بن ابی طالب رضی اللہ عنہ کو بھی یہ نماز (صلوٰۃ التسبیح) اسی طرح سکھائی تھی جس طرح اپنے چچا عباس رضی اللہ عنہ کو سکھائی تھی۔ [المستدرك على الصحيحين/كتاب صلاة التطوع/حدیث: 1210]