حیان بن عمیر، سیدنا عبدالرحمن بن سمرہ رضی اللہ عنہ سے روایت کرتے ہیں، انہوں نے فرمایا: اسی دوران کہ میں تیر اندازی کر رہا تھا، اچانک سورج گرہن لگ گیا، تو میں نے تیروں کو پھینک دیا اور رسول اللہ صلی اللہ علیہ وسلم کی طرف چل پڑا، میں آپ صلی اللہ علیہ وسلم کے پاس پہنچا تو آپ صلی اللہ علیہ وسلم کھڑے ہو کر اپنے ہاتھ اٹھائے ہوئے اللہ کی تسبیح، تکبیر، حمد اور دعا میں مشغول تھے، یہاں تک کہ گرہن ختم ہو گیا، اور آپ صلی اللہ علیہ وسلم نے دو رکعتوں میں دو سورتیں تلاوت فرمائیں۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب الكسوف/حدیث: 1243]