سیدنا انس رضی اللہ عنہ سے روایت ہے کہ ایک بچہ راستے میں تھا کہ نبی کریم صلی اللہ علیہ وسلم وہاں سے اپنے صحابہ کے ساتھ گزرے، جب بچے کی ماں نے لوگوں کو دیکھا تو اسے ڈر لگا کہ کہیں اس کا بیٹا پاؤں تلے نہ کچل دیا جائے، وہ دوڑی اور اسے اٹھا لیا اور کہنے لگی: میرا بیٹا! میرا بیٹا! لوگوں نے کہا: اے اللہ کے رسول! یہ ماں تو اپنے بیٹے کو کبھی آگ میں نہیں ڈال سکتی، تو رسول اللہ صلی اللہ علیہ وسلم نے فرمایا: ”اور اللہ بھی اپنے محبوب کو کبھی آگ میں نہیں ڈالے گا۔“
یہ حدیث شیخین کی شرط پر صحیح ہے لیکن ان دونوں نے اسے روایت نہیں کیا۔ [المستدرك على الصحيحين/كتاب الإيمان/حدیث: 195]