سیدنا جابر بن عبداللہ رضی اللہ عنہما سے روایت ہے کہ ایک شخص رسول اللہ صلی اللہ علیہ وسلم کی خدمت میں حاضر ہوا اور دو یا تین بار پکار اٹھا: ہائے میرے گناہ! ہائے میرے گناہ! رسول اللہ صلی اللہ علیہ وسلم نے اس سے فرمایا: ”کہو: «اللَّهُمَّ مَغْفِرَتُكَ أَوْسَعُ مِنْ ذُنُوبِي، وَرَحْمَتُكَ أَرْجَى عِنْدِي مِنْ عَمَلِي» ”اے اللہ! تیری مغفرت میرے گناہوں سے کہیں زیادہ وسیع ہے، اور تیری رحمت کی مجھے اپنے عمل سے زیادہ امید ہے۔“ اس نے یہ کلمات کہے، پھر آپ صلی اللہ علیہ وسلم نے فرمایا: ”دوبارہ کہو“، اس نے دوبارہ کہے، پھر فرمایا: ”پھر کہو“، اس نے پھر کہے، تو آپ صلی اللہ علیہ وسلم نے فرمایا: ”اٹھ جاؤ، اللہ نے تمہیں بخش دیا ہے۔“
اس حدیث کے تمام راوی مدنی ہیں اور ان میں سے کوئی بھی جرح کے لیے معروف نہیں ہے، اور شیخین نے اسے روایت نہیں کیا۔ [المستدرك على الصحيحين/كتاب الدعاء والتكبير والتهليل والتسبيح والذكر/حدیث: 2017]