سیدنا اسماعیل بن قیس رضی اللہ عنہ سے روایت ہے کہ نافع بن ابی نعیم رحمۃ اللہ علیہ نے ” فرھن مقبوضۃ “ بغیر الف کے پڑھا۔ پھر نافع رحمۃ اللہ علیہ نے کہا: خارجہ بن زید بن ثابت نے ایسے ہی پڑھایا اور خارجہ نے کہا: مجھے زید بن ثابت رضی اللہ عنہ نے ایسے ہی پڑھایا اور زید نے کہا: مجھے رسول اللہ صلی اللہ علیہ وسلم نے ” فرُھُنٌ مقبوضۃٌ “ بغیر الف کے پڑھایا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كتاب التفسير/حدیث: 2959]