سیدنا جبیر بن نضیر فرماتے ہیں: میں نے حج کیا اور ام المومنین سیدہ عائشہ صدیقہ رضی اللہ عنہا کی خدمت میں بھی حاضر ہوا، انہوں نے مجھ سے کہا: اے جبیر! تم سورۃ المائدہ پڑھتے ہو؟ میں نے کہا: جی ہاں۔ انہوں نے کہا: سب سے آخر میں نازل ہونے والی یہی سورت ہے۔ جو چیز اس میں حلال پاؤ، اس کو حلال سمجھو اور جو چیز اس میں حرام پاؤ، اس کو حرام سمجھو۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا۔ [المستدرك على الصحيحين/كتاب التفسير/حدیث: 3249]