سیدنا جبیر ابن نفیر رضی اللہ عنہ فرماتے ہیں: ہم دمشق میں سیدنا مقداد بن اسود رضی اللہ عنہ کے پاس موجود تھے اور وہ ایک عام سے تابوت پر بیٹھے ہوئے تھے۔ ایک آدمی نے ان سے کہا: اگر اس سال آپ جہاد پر جانے سے رک جائیں (تو آپ کے لیے بہتر ہو گا) تو انہوں نے جواباً کہا: ہم پر ” بحوث “ یعنی سورۂ توبہ نازل ہوئی ہے (جس میں یہ آیت بھی ہے): اِنْفِرُوْا خِفَافًا وَّ ثِقَالًا (التوبۃ: 41) ” کوچ کرو ہلکی جان سے چاہے بھاری دل سے “ اور میں موجودہ حالات میں اپنے آپ کو خفیف پاتا ہوں۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كتاب التفسير/حدیث: 3321]