مکحول بیان کرتے ہیں کہ سیدنا معاذ بن جبل رضی اللہ عنہ ایک دن بیمار ہوئے جبکہ ان کے پاس یزید بن عمیرہ زبیدی موجود تھے، یزید ان کی حالت دیکھ کر رونے لگے، معاذ رضی اللہ عنہ نے پوچھا: تم کیوں رو رہے ہو؟ انہوں نے کہا: میں اس علم کے منقطع ہونے پر رو رہا ہوں جو میں آپ سے روزانہ حاصل کیا کرتا تھا، معاذ رضی اللہ عنہ نے فرمایا: علم اور ایمان تو خوشبو کی طرح ہیں، اٹھو اور انہیں تلاش کرو، یزید نے پوچھا: میں انہیں کن کے پاس تلاش کروں؟ معاذ رضی اللہ عنہ نے فرمایا: چار افراد کے پاس؛ عویمر ابو الدرداء، عبداللہ بن مسعود، سلمان فارسی اور عبداللہ بن سلام کے پاس، کیونکہ ان کے بارے میں کہا جاتا تھا کہ ”وہ جنت کے دس خوش نصیبوں میں سے دسویں ہیں۔“ یزید نے پوچھا: اور عمر بن خطاب رضی اللہ عنہ؟ انہوں نے کہا: ان سے کسی چیز کے بارے میں (اب) سوال نہ کرو کیونکہ وہ تمہارے کاموں (خلافت کی ذمہ داریوں) میں مصروف ہیں۔ [المستدرك على الصحيحين/كتاب العلم/حدیث: 339]