سیدنا عبداللہ بن عباس رضی اللہ عنہما اللہ تعالیٰ کے ارشاد: وَ یَقُوْلُوْنَ مَتٰی ھٰذَا الْفَتْحُ اِنْ کُنْتُمْ صٰدِقِیْنَ (السجدۃ: 28) قُلْ یَوْمَ الْفَتْحِ لَا یَنْفَعُ الَّذِیْنَ کَفَرُوْآ اِیْمَانُھُمْ وَلَا ھُمْ یُنْظَرُوْنَ (السجدۃ: 29) ” اور وہ کہتے ہیں یہ فیصلہ کب ہو گا اگر تم سچے ہو۔ تم فرماؤ فیصلہ کے دن کافروں کو ان کا ایمان لانا نفع نہ دے گا اور نہ انہیں مہلت ملے “۔ کے متعلق فرماتے ہیں: جنگ بدر کے دن نبی اکرم صلی اللہ علیہ وسلم کو فتح ملی اور کافروں کو مرنے کے بعد ان کا ایمان کچھ نفع نہ دے گا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كتاب التفسير/حدیث: 3595]