سیدنا ابوزید رضی اللہ عنہ فرماتے ہیں: (ایک دفعہ) رسول اللہ صلی اللہ علیہ وسلم نے مجھے فرمایا: اے ابوزید میرے قریب آؤ اور میری کمر ملو۔ میں آپ کے قریب آیا اور آپ کی کمر ملی اور میں نے اپنی انگلیاں مہر نبوت پر رکھیں اور اس کو ٹٹولتا رہا۔ آپ سے پوچھا گیا: وہ مہر کیا تھی؟ (ابوزید نے) کہا: آپ کے کندھوں کے قریب بالوں کا ایک گچھہ سا تھا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/ذكر أخبار سيد المرسلين صلى الله عليه وآله وسلم/حدیث: 4243]