سیدنا عبداللہ بن عباس رضی اللہ عنہما سے روایت ہے، انہوں نے کہا: جب رسول اللہ صلی اللہ علیہ وسلم (میدانِ جنگ سے) واپس تشریف لائے تو اپنی صاحبزادی سیدہ فاطمہ رضی اللہ عنہا کو اپنی تلوار عطا فرمائی اور فرمایا: ”اے پیاری بیٹی! اس سے خون دھو ڈالو“، پھر سیدنا علی رضی اللہ عنہ نے بھی اپنی تلوار انہیں تھمائی اور کہا: اس کا خون بھی صاف کر دو، اللہ کی قسم! آج قتال میں اس نے میرا بھرپور ساتھ دیا ہے، تو رسول اللہ صلی اللہ علیہ وسلم نے فرمایا: ”اگر تم نے آج قتال کا حق سچائی سے ادا کیا ہے تو یقیناً تمہارے ساتھ سہل بن حنیف اور سماک بن خرشہ ابو دجانہ نے بھی قتال کا حق سچائی سے ادا کیا ہے“۔ [المستدرك على الصحيحين/كتاب المغازي والسرايا/حدیث: 4356]