سیدنا عبداللہ بن مسعود رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا: ”جھوٹ بولنا نہ سنجیدگی میں درست ہے اور نہ مذاق میں، اور نہ ہی یہ بات ٹھیک ہے کہ آدمی اپنے بیٹے سے وعدہ کرے اور پھر اسے پورا نہ کرے۔ بے شک سچائی نیکی کی طرف رہنمائی کرتی ہے اور نیکی جنت کی طرف لے جاتی ہے، جبکہ جھوٹ برائی (فجور) کی طرف لے جاتا ہے اور برائی آگ کی طرف لے جاتی ہے۔ سچے شخص کے بارے میں کہا جاتا ہے کہ اس نے سچ بولا اور نیکی کی، اور جھوٹے کے بارے میں کہا جاتا ہے کہ اس نے جھوٹ بولا اور برائی کی۔ آدمی سچ بولتا رہتا ہے یہاں تک کہ اللہ کے ہاں اسے ”صدیق“ لکھ دیا جاتا ہے، اور جھوٹ بولتا رہتا ہے یہاں تک کہ اللہ کے ہاں اسے ”کذاب“ (بہت بڑا جھوٹا) لکھ دیا جاتا ہے۔“
یہ حدیث شیخین کی شرط پر صحیح الاسناد ہے، اگرچہ اس کے اکثر جملے موقوفاً بھی مروی ہیں، لیکن اس سند کے ساتھ یہ ان کی شرط پر صحیح ہے۔ [المستدرك على الصحيحين/كتاب العلم/حدیث: 445]