عبداللہ بن بریدہ اپنے والد کا یہ بیان نقل کرتے ہیں: سیدنا ابوذر غفاری رضی اللہ عنہ اور ان کے چچا زاد بھائی نعیم روانہ ہوئے میں بھی ان کے ساتھ تھا۔ ہم نبی اکرم صلی اللہ علیہ وسلم کی تلاش میں نکلے تھے۔ آپ ایک پہاڑ میں روپوش تھے۔ سیدنا ابوذر غفاری رضی اللہ عنہ نے (آپ کی خدمت میں حاضر ہو کر) عرض کی: اے سیدنا محمد صلی اللہ علیہ وسلم ! ہم آپ کا فرمان اور آپ کی دعوت سننے کے لیے آئے ہیں، تو نبی اکرم صلی اللہ علیہ وسلم نے ارشاد فرمایا: میں اس بات کا قائل ہوں کہ اللہ تعالیٰ کے علاوہ کوئی معبود نہیں اور میں اللہ کا رسول ہوں، تو سیدنا ابوذر غفاری رضی اللہ عنہ اور ان کے ساتھی آپ پر ایمان لے آئے۔ میں بھی آپ پر ایمان لے آیا۔ سیدنا علی رضی اللہ عنہ اس وقت نبی اکرم صلی اللہ علیہ وسلم کے کسی کام سے گئے ہوئے تھے۔ نبی اکرم صلی اللہ علیہ وسلم نے ہی انہیں بھیجا تھا۔ نبی اکرم صلی اللہ علیہ وسلم پر پیر کے دن وحی نازل ہوئی تھی اور سیدنا علی رضی اللہ عنہ نے منگل کے دن نماز ادا کی تھی (یعنی انہوں نے منگل کے دن اسلام قبول کیا تھا)۔ ٭٭ اس روایت کی سند صحیح ہے لیکن شیخین نے اسے نقل نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4635]