سیدنا عبداللہ بن عباس رضی اللہ عنہما سے روایت ہے کہ نبی کریم صلی اللہ علیہ وسلم نے صحابہ سے دریافت فرمایا: ”تم میں سے کون ہے جو دنیا اور آخرت میں میری سرپرستی اور وفاداری قبول کرے گا؟“ آپ صلی اللہ علیہ وسلم نے ان میں سے ایک ایک شخص سے پوچھا: ”کیا تم دنیا اور آخرت میں میرا ولی بننا قبول کرتے ہو؟“ اس نے انکار کر دیا، یہاں تک کہ آپ صلی اللہ علیہ وسلم ان میں سے اکثر کے پاس سے گزرے، پھر سیدنا علی رضی اللہ عنہ نے عرض کیا: ”میں دنیا اور آخرت میں آپ کا ولی ہوں،“ تو آپ صلی اللہ علیہ وسلم نے فرمایا: ”تم دنیا اور آخرت میں میرے ولی ہو۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4706]