سیدنا عقبہ بن مالک رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”حمد و ثنا کے بعد، اس شخص کا کیا حال ہوگا جو کسی ایسے شخص کو قتل کر دے جو کہہ رہا ہو کہ میں مسلمان ہوں؟“ قاتل نے کہا: اے اللہ کے رسول! اس نے یہ بات صرف پناہ لینے (جان بچانے) کے لیے کہی تھی، تو رسول اللہ صلی اللہ علیہ وسلم نے (اپنے ہاتھوں سے اشارہ کرتے ہوئے) اس طرح فرمایا، اور اس کی بات کو ناپسند کیا اور اپنا چہرہ مبارک اس سے پھیر لیا، پھر فرمایا: ”اللہ نے مجھ پر اس شخص (کے حق میں رعایت کرنے) سے انکار فرما دیا ہے جس نے کسی مسلمان کو قتل کیا، اللہ نے مجھ پر اس سے انکار فرما دیا ہے جس نے کسی مسلمان کو قتل کیا۔“ [المستدرك على الصحيحين/كتاب الإيمان/حدیث: 48]