سیدنا علی بن ابی طالب رضی اللہ عنہ سے روایت ہے کہ جب (سیدہ) فاطمہ رضی اللہ عنہا کے ہاں حسن کی ولادت ہوئی تو رسول اللہ صلی اللہ علیہ وسلم تشریف لائے اور فرمایا: ”مجھے میرا بیٹا دکھاؤ، تم نے اس کا کیا نام رکھا ہے؟“ (راوی نے پوری حدیث ذکر کی)۔
یہ آخری حدیث تھی جس کے بارے میں رسول اللہ صلی اللہ علیہ وسلم کے اہل بیت کے مناقب کے سلسلے میں میری جدوجہد پہنچی، جن کی اسناد صحیح ہیں اور شیخین نے انہیں روایت نہیں کیا، میں نے اپنی کوشش کے مطابق چاروں خلفاء اور اہل بیت کے فضائل کی وہ احادیث املا کرا دیں جن کی اسناد صحیح ہیں۔ اب میں نے اس کتاب کی ترتیب کے لیے یہ بہتر سمجھا کہ صحابہ کرام رضی اللہ عنہم اجمعین کا تذکرہ ان کی وفات کی تاریخ کے اعتبار سے کیا جائے، اسلام کی ابتدا سے لے کر ان میں سے آخری فوت ہونے والے تک، اور اللہ ہی اپنی رحمت سے اس پر مدد کرنے والا ہے۔ ان صحابہ میں سے ایک ایاس بن معاذ اشہلی رضی اللہ عنہ ہیں جو ہجرت سے پہلے مکہ میں فوت ہوئے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4890]