خالد بن معدان سے روایت ہے کہ جب جنگِ اجنادین کے دن رومیوں کو شکست ہوئی تو وہ ایک ایسے تنگ مقام پر پہنچ گئے جہاں سے صرف ایک ایک کر کے ہی گزرنا ممکن تھا، رومی وہاں (پلٹ کر) لڑنے لگے جبکہ کچھ وہاں سے گزر چکے تھے، اس موقع پر سیدنا ہشام بن العاص بن وائل رضی اللہ عنہ آگے بڑھے اور اس مقام پر ان سے قتال کیا یہاں تک کہ وہ شہید ہو گئے، یہ سیدنا عمر بن خطاب رضی اللہ عنہ کے دورِ خلافت کے آغاز میں سن 13 ہجری کا واقعہ ہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5128]