سیدنا ابو مسعود عقبہ بن عمرو رضی اللہ عنہ سے روایت ہے، انہوں نے کہا: میری نظر میں کوئی ایسا شخص نہیں جو اللہ تعالیٰ کی طرف سے محمد صلی اللہ علیہ وسلم پر نازل کردہ علم کا عبد اللہ بن مسعود رضی اللہ عنہ سے بڑھ کر جاننے والا ہو، تو سیدنا ابو موسیٰ اشعری رضی اللہ عنہ نے فرمایا: ”اگر آپ یہ فرما رہے ہیں تو بلاشبہ وہ اس وقت بھی (فرمانِ نبوی) سنتے تھے جب ہم نہیں سنتے تھے اور وہ (نبی کریم صلی اللہ علیہ وسلم کی بارگاہ میں) اس وقت بھی داخل ہوتے تھے جب ہمیں داخلے کی اجازت نہیں ہوتی تھی۔“ [المستدرك على الصحيحين/كتاب معرفة الصحابة رضي الله تعالى عنهم/حدیث: 5466]