سیدنا عبداللہ بن عباس رضی اللہ عنہما فرماتے ہیں: ایک شخص نے سیدنا عباس رضی اللہ عنہ کے والد کا تذکرہ کیا اور ان کو برا بھلا کہنے لگ گیا۔ سیدنا عباس رضی اللہ عنہ نے ان کو تھپڑ دے مارا، اس پر بہت سارے لوگ جمع ہو گئے اور کہنے لگے: خدا کی قسم! ہم بھی عباس کو اسی طرح تھپڑ ماریں گے جیسے اس نے مارا ہے۔ یہ بات رسول الله صلی اللہ علیہ وسلم تک پہنچی تو رسول اللہ صلی اللہ علیہ وسلم نے خطبہ دیا اور ارشاد فرمایا: عباس مجھ سے ہے اور میں عباس سے ہوں، تم مرے ہوؤں کو گالی مت دو کہ اس سے ان کے زندہ رشتہ داروں کو تکلیف ہوتی ہے۔ ٭٭ یہ حدیث صحیح الاسناد ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5508]