سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”سبقت لے جانے والے چار ہیں: میں عربوں میں سب سے پہلے سبقت لے جانے والا ہوں، صہیب رومیوں میں، سلمان فارسیوں میں اور بلال حبشیوں میں سب سے پہلے سبقت لے جانے والے ہیں“۔
سیدنا اویس بن عامر قرنی رضی اللہ عنہ کے مناقب کا ذکر - سیدنا اویس اس امت کے راہب (عبادت گزار) ہیں، انہوں نے رسول اللہ صلی اللہ علیہ وسلم کی صحبت نہیں پائی (یعنی تابعی ہیں)، لیکن رسول اللہ صلی اللہ علیہ وسلم نے ان کا ذکر فرمایا اور ان کی فضیلت پر دلالت کی، اسی لیے میں نے ان کا تذکرہ ان لوگوں کی فہرست میں کیا ہے جو امیر المؤمنین علی بن ابی طالب رضی اللہ عنہ کے ہمراہ جنگ صفین میں شہید ہوئے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5820]