عبد الرحمن بن ابی لیلیٰ سے روایت ہے کہ جنگ صفین کے دن سیدنا معاویہ رضی اللہ عنہ کے ساتھیوں میں سے ایک پکارنے والے نے سیدنا علی رضی اللہ عنہ کے ساتھیوں کو پکارا: ”کیا تم میں اویس قرنی موجود ہیں؟“ انہوں نے جواب دیا: ”ہاں“، تو اس شخص نے اپنی سواری کو مہمیز لگائی یہاں تک کہ وہ سیدنا علی رضی اللہ عنہ کے لشکر میں شامل ہو گیا، پھر اس نے کہا: میں نے رسول اللہ صلی اللہ علیہ وسلم کو فرماتے ہوئے سنا ہے: ”تابعین میں سب سے بہتر اویس قرنی ہیں۔“ [المستدرك على الصحيحين/كتاب معرفة الصحابة رضي الله تعالى عنهم/حدیث: 5822]