اصبع بن نباتہ فرماتے ہیں: میں جنگ صفین کے موقع پر سیدنا علی رضی اللہ عنہ کے پاس گیا، وہ کہہ رہے تھے: کون کون شخص موت پر میری بیعت کرے گا؟ (راوی کو شک ہے کہ یہاں پر سیدنا علی رضی اللہ عنہ نے موت کا لفظ بولا یا قتال کا)۔ 99 آدمیوں نے ان کی بیعت کی۔ پھر سیدنا علی رضی اللہ عنہ نے پوچھا: تمام کہاں ہے؟ وہ شخص کہاں ہے جس کے بارے میں مجھ سے وعدہ کیا گیا تھا، اس کے بعد منڈے ہوئے سر والا، بوسیدہ کپڑوں میں ملبوس ایک آدمی ان کے پاس آیا، اس نے موت اور قتل پر ان کی بیعت کی۔ راوی کہتے ہیں۔ وہ سیدنا اویس قرنی رضی اللہ عنہ تھے۔ اس دن سیدنا اویس قرنی رضی اللہ عنہ مسلسل جنگ کرتے رہے حتی کہ شہید ہو گئے۔ ٭٭ امام حاکم کہتے ہیں: اس بارے میں امیرالمومنین سیدنا عمر بن خطاب رضی اللہ عنہ کے حوالے سے رسول اللہ صلی اللہ علیہ وسلم کی صحیح احادیث موجود ہیں۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5823]