سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے غزوۂ بدر کے دن فرمایا: ”اس جنت کی طرف اٹھو جس کی وسعت آسمانوں اور زمین کے برابر ہے۔“ اس پر سیدنا عمیر بن الحمام انصاری رضی اللہ عنہ نے عرض کی: یا رسول اللہ! کیا اس کی وسعت آسمانوں اور زمین کے برابر ہے؟ واہ واہ! (بخ بخ)، اللہ کی قسم یا رسول اللہ! کیا میں اس کے رہنے والوں میں سے ہوں گا؟ آپ صلی اللہ علیہ وسلم نے فرمایا: ”بلاشبہ تم اس کے رہنے والوں میں سے ہو۔“ پھر انہوں نے کچھ کھجوریں نکالیں اور انہیں کھانے لگے، پھر کہنے لگے: اگر میں اپنی ان کھجوروں کے کھانے تک زندہ رہا تو یہ تو بہت طویل زندگی ہو جائے گی، راوی کہتے ہیں کہ چنانچہ انہوں نے اپنے پاس موجود کھجوریں پھینک دیں اور دشمن سے لڑنے لگے یہاں تک کہ شہید ہو گئے۔
یہ حدیث امام مسلم کی شرط پر صحیح ہے لیکن شیخین نے اسے روایت نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5915]