مصعب بن عبداللہ زبیری فرماتے ہیں: جب عبدالرحمن بن سمرہ بن حبیب نے سجستان کو فتح کیا، اس وقت ان کے ہمراہ سیدنا ابورفاعہ عبداللہ بن حارث بن اسد بن عدی بن مالک بن تمیم بن دؤل بن جبل بن عدی بن عبدمناۃ بن اد بن طابحہ “ بھی تھے، ان کو بارگاہ مصطفی صلی اللہ علیہ وسلم کی صحبت حاصل ہے، یہ ایک لشکر میں شریک تھے، رات کے وقت لشکر نے ایک مقام پر پڑاؤ ڈالا، سارا لشکر رات کے وقت سو گیا جبکہ یہ رات کا اکثر حصہ عبادت کرتے رہے، اور رات کے آخری حصے میں سو گئے، ان کے ساتھی، بیدار ہو کر چلے گئے اور ان کو ساتھ لے جانا بھول گئے، دشمن کی ایک جماعت نے ان کو شہید کر دیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5942]