ایوب سے روایت ہے کہ سیدنا عبدالرحمن بن ابی بکر رضی اللہ عنہ نے اپنے والد سیدنا ابوبکر رضی اللہ عنہ سے کہا: ”میں نے آپ کو غزوہ احد کے دن (نشانے پر) دیکھا تھا لیکن میں نے آپ سے پہلو تہی کی (یعنی باپ ہونے کی وجہ سے وار نہیں کیا)۔“ تو سیدنا ابوبکر رضی اللہ عنہ نے جواب دیا: ”لیکن اگر میں تمہیں دیکھ لیتا تو میں ہرگز تم سے پہلو تہی نہ کرتا (یعنی حق کی خاطر تم پر وار کر دیتا)۔“ [المستدرك على الصحيحين/كتاب معرفة الصحابة رضي الله تعالى عنهم/حدیث: 6118]