مصعب بن عبداللہ زبیری فرماتے ہیں کہ سیدنا حسان بن ثابت رضی اللہ عنہ نے زمانہ جاہلیت میں 60 سال گزارے ہیں، اور 60 سال اسلام میں گزارے ہیں۔ ان کی کنیت ” ابوالولید “ ہے۔ ان کا نسب یوں ہے ” حسان بن ثابت بن منذر بن حرام بن عمرو بن زید مناۃ بن عدی بن عمرو بن مالک بن نجار “ رسول اللہ صلی اللہ علیہ وسلم کے شاعر ہیں۔ سیدنا حسان رضی اللہ عنہ کی والدہ ” فریعہ بنت خالد بن خنیس بن لوذان بن عبدود “ ہیں۔ بعض مؤرخین کا کہنا ہے کہ 40 ہجری سے پہلے ان کا انتقال ہو گیا تھا اور کچھ مؤرخین کہتے ہیں کہ 55 ہجری میں فوت ہوئے ہیں۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6168]