سیدنا سعد رضی اللہ عنہ سے روایت ہے کہ میں جس دن اسلام لایا اس وقت اللہ تعالیٰ نے نمازیں فرض نہیں کی تھیں۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6231]

ابن عمر رضی اللہ عنہما کہتے ہیں کہ انہوں نے رسول اللہ صلی اللہ علیہ وسلم کے ہمراہ غزوہ بدر اور احد میں شرکت کی، اور احد کے دن جب لوگ پیچھے ہٹ گئے تھے تو وہ رسول اللہ صلی اللہ علیہ وسلم کے ساتھ ثابت قدم رہے، انہوں نے غزوہ خندق، حدیبیہ، خیبر اور فتح مکہ میں بھی شرکت کی، اس دن مہاجرین کے تین جھنڈوں میں سے ایک ان کے پاس تھا، انہوں نے رسول اللہ صلی اللہ علیہ وسلم کے ساتھ تمام غزوات میں حصہ لیا اور وہ رسول اللہ صلی اللہ علیہ وسلم کے صحابہ میں نامور تیر اندازوں میں سے تھے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6231M]