محمد بن عمارہ بن عمرو بن حزم سے روایت ہے کہ وہ ایک ایسی مجلس میں بیٹھے جس میں سیدنا ابوہریرہ رضی اللہ عنہ موجود تھے اور رسول اللہ صلی اللہ علیہ وسلم کے اصحاب میں سے دس سے زیادہ عمر رسیدہ صحابہ بھی وہاں تشریف فرما تھے، پس سیدنا ابوہریرہ رضی اللہ عنہ انہیں رسول اللہ صلی اللہ علیہ وسلم کی احادیث سنانے لگے، ان میں سے بعض صحابہ کسی حدیث کا انکار کرتے اور بعض اسے پہچان لیتے، یہاں تک کہ انہوں نے کئی بار ایسا کیا، تو میں نے اسی دن جان لیا کہ سیدنا ابوہریرہ رضی اللہ عنہ رسول اللہ صلی اللہ علیہ وسلم کی احادیث کو لوگوں میں سب سے زیادہ یاد رکھنے والے ہیں۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6295]