سیدنا عبداللہ بن عمرو رضی اللہ عنہما سے روایت ہے، انہوں نے کہا: میں نے عرض کیا: اے اللہ کے رسول! کیا آپ مجھے اجازت عطا فرماتے ہیں کہ میں وہ سب لکھ لوں جو آپ سے سنتا ہوں؟ آپ صلی اللہ علیہ وسلم نے فرمایا: ”ہاں،“ میں نے عرض کیا: کیا خوشی اور غصے (دونوں حالتوں) میں لکھ لیا کروں؟ آپ صلی اللہ علیہ وسلم نے فرمایا: ”ہاں، کیونکہ یہ مناسب نہیں کہ میں خوشی یا غصے کی حالت میں حق کے سوا کچھ اور کہوں۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6376]