عطیہ سے روایت ہے کہ میں نے سیدنا ابن عمر رضی اللہ عنہما کے ایک آزاد کردہ غلام سے پوچھا کہ ان کی وفات کیسے ہوئی؟ انہوں نے بتایا کہ ابن عمر رضی اللہ عنہما نے حجاج بن یوسف کے ان افعال پر سخت نکیر فرمائی جو اس نے سیدنا ابن زبیر رضی اللہ عنہما کی شہادت کے وقت کیے تھے، آپ نے اس کے سامنے کھڑے ہو کر اسے سخت کلمات کہے تو حجاج نے کہا: ”اے بوڑھے! خاموش ہو جا، تیری عقل ٹھکانے نہیں رہی۔“ پھر جب لوگ وہاں سے چلے گئے تو حجاج نے ایک شامی شخص کو حکم دیا جس نے آپ کے پاؤں پر نیزے سے وار کیا، پھر حجاج عیادت کے لیے آپ کے پاس آیا اور کہنے لگا: ”کاش مجھے معلوم ہو جائے کہ آپ کو کس نے زخمی کیا ہے تو میں اس کی گردن اڑا دوں،“ آپ نے فرمایا: ”تمہی نے تو مجھے زخمی کیا ہے،“ اس نے پوچھا: وہ کیسے؟ آپ نے فرمایا: ”اس لیے کہ تم نے اللہ کے حرم میں اسلحہ داخل کیا (جس کی حرمت پامال ہوئی)۔“ [المستدرك على الصحيحين/كتاب معرفة الصحابة رضي الله تعالى عنهم/حدیث: 6494]