سیدنا علی بن حسین اپنے والد سے اور وہ اپنے دادا سے روایت کرتے ہیں کہ رسول اللہ صلی اللہ علیہ وسلم ایک مکان سے جھانکے جبکہ آپ کے ساتھ آپ کے دونوں چچا سیدنا عباس اور سیدنا حمزہ رضی اللہ عنہما تھے، اور سیدنا علی، سیدنا جعفر اور سیدنا عقیل رضی اللہ عنہم ایک زمین میں کام کر رہے تھے، تو رسول اللہ صلی اللہ علیہ وسلم نے اپنے دونوں چچاوں سے فرمایا: ”ان میں سے (کفالت کے لیے) انتخاب کر لیں،“ تو ایک نے جعفر کو چن لیا اور دوسرے نے عقیل کو، آپ صلی اللہ علیہ وسلم نے فرمایا: ”تم دونوں نے انتخاب کر لیا ہے، اور اللہ نے میرے لیے علی کا انتخاب فرمایا ہے۔“ [المستدرك على الصحيحين/كتاب معرفة الصحابة رضي الله تعالى عنهم/حدیث: 6609]