عروہ بن زبیر فرماتے ہیں کہ سیدنا ابولبابہ بشیر بن عبدالمنذر اور حارث بن حاطب دونوں کو رسول اللہ صلی اللہ علیہ وسلم کی بارگاہ کی حاضری نصیب ہوئی ہے، جنگ بدر میں شرکت کے لئے بھی آئے تھے، لیکن حضور صلی اللہ علیہ وسلم نے ان کو واپس بھیج دیا تھا اور سیدنا ابولبابہ رضی اللہ عنہ کو مدینہ منورہ کی ذمہ داری دی تھی۔ ان دونوں صحابیوں کے لئے رسول اللہ صلی اللہ علیہ وسلم نے جنگ بدر کے مال غنیمت میں سے حصہ بھی رکھا تھا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6802]