سیدنا عمرو بن ام مکتوم رضی اللہ عنہ سے روایت ہے کہ میں نے نبی کریم صلی اللہ علیہ وسلم کی خدمت میں حاضر ہو کر عرض کیا: اے اللہ کے رسول! میں ایک بوڑھا اور نابینا شخص ہوں، میرا گھر دور ہے اور میرا کوئی ایسا مددگار (قائد) نہیں جو میرے موافق ہو، میرے اور مسجد کے درمیان درخت اور نہریں بھی ہیں، تو کیا مجھے اس بات کی رخصت ہے کہ میں اپنے گھر میں نماز پڑھ لوں؟ آپ صلی اللہ علیہ وسلم نے فرمایا: «هَلْ تَسْمَعُ النِّدَاءَ؟» ”کیا تم اذان کی آواز سنتے ہو؟“ میں نے عرض کیا: جی ہاں، آپ صلی اللہ علیہ وسلم نے فرمایا: «فَأْتِهَا» ”تو پھر مسجد میں آؤ۔“
امام حاکم فرماتے ہیں: میری معلومات کے مطابق اس سند میں عاصم سے، انہوں نے زر (بن حبیش) سے، یہ روایت سوائے ابراہیم بن طہمان کے کسی نے بیان نہیں کی، جبکہ زائدہ، شیبان نحوی، حماد بن سلمہ اور ابوعوانہ وغیرہ نے اسے عاصم سے، انہوں نے ابورزین سے اور انہوں نے ابن ام مکتوم سے روایت کیا ہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6818]