سیدہ امیمہ رضی اللہ عنہا (رسول اللہ صلی اللہ علیہ وسلم کی لونڈی) سے روایت ہے، انہوں نے کہا: میں ایک دن رسول اللہ صلی اللہ علیہ وسلم کے ہاتھوں پر وضو کا پانی ڈال رہی تھی کہ ایک شخص آپ صلی اللہ علیہ وسلم کی خدمت میں حاضر ہوا اور عرض کی: یا رسول اللہ! میں اپنے گھر والوں کے پاس واپس جانا چاہتا ہوں، مجھے کوئی ایسی وصیت فرمائیں جسے میں یاد رکھوں۔ آپ صلی اللہ علیہ وسلم نے فرمایا: ”اللہ کے ساتھ کسی کو شریک نہ ٹھہرانا اگرچہ تمہارے ٹکڑے کر دیے جائیں یا تمہیں آگ میں جلا دیا جائے، اور اپنے والدین کی نافرمانی نہ کرنا اگرچہ وہ تمہیں تمہارے گھر بار اور دنیا چھوڑنے کا حکم دیں تو چھوڑ دینا، اور جان بوجھ کر نماز نہ چھوڑنا کیونکہ جس نے جان بوجھ کر نماز چھوڑی اس سے اللہ عزوجل اور اس کے رسول صلی اللہ علیہ وسلم کا ذمہ (حفاظت) ختم ہو گیا، اور شراب ہرگز نہ پینا کیونکہ یہ ہر برائی کی جڑ ہے، اور زمین کی حدود (میڑ) میں تبدیلی نہ کرنا ورنہ قیامت کے دن تمہیں سات زمینوں کے برابر وزن کا طوق پہنایا جائے گا، اور میدانِ جنگ سے پیٹھ پھیر کر نہ بھاگنا کیونکہ جو لڑائی کے دن بھاگا وہ اللہ کے غضب کے ساتھ لوٹا اور اس کا ٹھکانہ جہنم ہے جو کہ بہت برا ٹھکانہ ہے، اور اپنی وسعت کے مطابق اپنے گھر والوں پر خرچ کرنا، اور ان سے (تربیت کے لیے) اپنی لاٹھی نہ اٹھانا اور انہیں اللہ عزوجل کے معاملے میں ڈراتے رہنا۔“ [المستدرك على الصحيحين/كتاب معرفة الصحابة رضي الله تعالى عنهم/حدیث: 7001]