سیدنا ابو سعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جس کسی شخص نے حلال مال کمایا، پھر اس سے اپنی ذات کو کھلایا اور پہنایا اور اپنے ماتحت اللہ کی دیگر مخلوق کو بھی کھلایا پہنایا، تو یہ اس کے لیے زکوٰۃ (پاکیزگی کا ذریعہ) ہے، اور جس مسلمان شخص کے پاس صدقہ کرنے کے لیے کچھ نہ ہو تو اسے چاہیے کہ اپنی دعا میں یہ کہے: «اللَّهُمَّ صَلِّ عَلَىٰ مُحَمَّدٍ عَبْدِكَ وَرَسُولِكَ، وَصَلِّ عَلَى الْمُؤْمِنِينَ وَالْمُؤْمِنَاتِ وَالْمُسْلِمِينَ وَالْمُسْلِمَاتِ» ”اے اللہ! اپنے بندے اور اپنے رسول محمد ( صلی اللہ علیہ وسلم ) پر رحمت نازل فرما، اور تمام مومن مردوں، مومن عورتوں، مسلمان مردوں اور مسلمان عورتوں پر اپنی رحمتیں نازل فرما“، تو یہ کلمات اس کے لیے زکوٰۃ بن جائیں گے“، اور آپ صلی اللہ علیہ وسلم نے یہ بھی فرمایا: ”مومن خیر کی بات سن کر کبھی سیر نہیں ہوتا یہاں تک کہ اس کا آخری ٹھکانا جنت ہو جائے۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب الأطعمة/حدیث: 7352]